Ikaw, nabasa mo na ba nang buo ang kuwentong tula ng pag-ibig na ito? Ito ay obra ng pamoso nating manunulat na si Francisco Baltazar na higit na kilala sa pangalang Balagtas. Naglalaman ito ng 399 na talata o saknong na naglalarawan ng malalim na pagmamahalan ng magsing-irog na sina Florante at Laura. Lubhang malalim at makabuluhan ang mga salitang ginamit kung kaya kinakailangan pa ng iba na sumangguni sa sinauna nating manunulat. Ginawa natin ang pinasimpleng paraan para madali at higit na maunawaan ng mga mambabasa ang esensiya ng Florante at Laura. Kung hindi man madaling unawain ang mga salita, mabibigyang paliwanag ito ng mga dibuho at mas mabibigyan ng paliwanag.

Nilalaman nito ang mahahalagang saknongkung saan ay hindi ito dapat baguhin o isalin sa ibang paraan. Isa itong obra-maestra ni Balagtas upang gisingin at ipamulat ang tunay na pag-iibigan, ang kahalagahan ng pagkakaisa magkaiba man ang relihiyon, ang pagsasamantala ng mga naka-ipo sa gobyerno at silang makapangyarihan. Inilalarawan dito kung paano tayo napasailalim ng mga Kastila at kung pano tayo ay kanilang itinuring.
Ang kuwento ng pag-ibig na ito ay nabuo dahil sa marubdob na pagmamahal ni Baltazar kay Maria Asuncion Rivera, nang agawin ito ng Mariano Capule, isang makapangyarihang lalaki noong kanyang panahon. Sina "CELIA" at "MAR" ang tinutukoy ni Balagtas sa kanyangb tula.